佢個新地盤有好多同道中人，有人睇School Days...
我地呢到得D睇gundam，涼宮，冇人追今年4月新番
又冇人打機方面夠我瘋狂，冇人陪我玩新game，好耐
又冇人玩電腦科技D野，又冇人玩耳機，又冇人玩DIY，又冇人玩BLOG
又冇人玩figure、CD......
已經唔講H-Game、H-Anime......
畢竟講H野唔可以日日夜夜講，會講到冇癮
家陣同班人日日吹黎吹去都係果D野，悶死=.=
間唔中有D人攪下gag，但gag只係治標唔治本
唔通一悶你就攪gag咩，攪gag攪到江郎才盡就唔好啦
相反，果兄係佢果邊E+搵到D同道中人，只係無佢消息成個禮拜
幾好，起碼唔會悶親，有D野吹下咁
返到屋企MSN都可以share D wallpaper、動漫歌之類既野
我仲無奈，我中左CD毒，又鐘意D另類既歌
呢一班真係好Q悶，悶到傻下傻下......
最大既快樂係互相分享快樂，我E+就只係收埋收埋自己炭...
無計，冇人識欣賞=0="...
有幾多個中學生聽Air Supply...又幾多個中學生玩CD/MD/耳機音樂
有幾多個中學生曉玩辣雞DIY、砌機、整電腦、programming、flash、CSS
photoshop、HTML......又有幾多個學生打機打上腦打到會考22分
新既勁game必爆無疑，玩過既game上百隻......
因家貧，除左電腦咩game都冇玩過，咁就更加少野吹
我係識到幾個都係真正既機民既人，但都潛左水= =
身上流著機民既血，外表好似好淫賤咁，某程度上係
但實質心底上我有幾悶有咩人知......得一個，果兄
但佢E+又潛左水，潛左成個禮拜都夠皮啦，唉......
悶到就黎癲，日日放學返黎想抖抖，但係除左玩D又舊又悶既game外
就係得瞓覺、溫書呢兩條路，身邊一個岩一半咀形既人都冇=.="
唉......真係好羡慕果兄
我諗我既希望都放係U身上，因為據說某D大學有動漫學會同日本文化研究讀
E+果班岩咀形既人仲少過S3！...S3已經好悶= ="...
我將D希望擺曬係個BLOG到，但點知個個CD-ROM！
真係唔知點挨年半，我就黎悶死啦！
人地話我讀書勁......你睇我好，我睇你好姐
俾著你悶到傻下傻下，被迫要對住本書......你會甘心？
明明有一大堆anime未睇，但睇黎做乜，淨係可以同兩個人吹
ff同果兄，一個潛左水，另一個，就真係得一個
咁仲有咩癮......
上堂想搵D野發下白日夢都唔得，都冇野好諗，冇左對事物既嚮往
冇左追求喜歡既事物既衝勁...一返到屋企，好快就變成行屍走肉......
日日玩D野都係咁，結果同過程都係一樣......毫無新鮮感
人係群體動物，冇人既認同係生存唔到
我就十分接近呢個極端，上網同班不太認識既人打機
或者同班熟悉既人玩D玩到悶既game= ="
自己既興趣？就淨係停留係自己身上，好似自閉咁...
攪攪下，真係人都癲
留CM啦你地班友！
15 則留言:
E個係5s3唯一升到原校的宿命,你只可以無奈接受....努力,奮鬥,全盡力,我地5s3之魂只有你可以延續,你要發揚光大,睇少D咸片,玩少D h game
無計啦,
迷動漫嘅年代我一早過咗,
幫唔到你,
不過如果啲大學生仲係掛住玩動漫同打機,
都咪話唔大劑,
咁樣將來點將個社會交畀佢哋吖?
唔怪得而家啲大學生一年不如一年啦!
唉~~~~~~
打機睇動漫係冇問題
沉迷先係問題
只要係沉迷，無論係沉迷乜野都係唔好
我講真，打機係可以學英文
不過要係D有料既game
而我只會玩有料既game= ="
game同動漫都有D唔多好既份子
game方面，跑、熱舞、勁舞團之類
乃垃圾中既垃圾
而日本game則面臨變質既危機
由Final Fantasy
到E+ D無雙系列既game
遊戲深度不停下降
只有美國game仍保留質素
感到十分安慰
不過，呃錢情況表現普及左
嘆唔似樣既機民太多同埋呃錢既奸商太多
我童年既打機快樂已經甚難重現！
此乃機民之悲歌也！
ff，我已經無掂H-game 無DL A片好耐=.="
可能因為咁所以悶@_@"
其實機壇同E+社會都係面臨人才既問題
機民質素下滑，大學生水平XO...
問題係出自同一根源
我唔多覺得係打機既問題......
我反而覺得又係商人既錯
所謂要滿足人類無限既慾望
令到乜都係一個市場，就連ON9仔玩既ON9game
ON9仔迷既ON9明星，ON9仔買既ON9野
就係偉大市場學同經濟學引起既問題
有D慾望係唔應該被滿足兼唔應該出現
反而D拿住市場經濟套ON9理論去圍喂餵
不分是非青紅皂白，一味打算透過供求去滿足自己既慾望
市場領導社會既權力被濫用左
佢地無視市場經濟對社會既責任
一味要根據市場既要求，迎合佢地既口味
人既ON9係天生，而商人就將其發揮光大
可悲！
你都有啲point嘅,
不過唔可以物都懶商人喎,
只不過而家啲學生哥,
無物判斷能力,
根本唔識分好壞,
所以先至有咁多on 9仔.
至於點解佢哋啲分析能力咁低,
就係一個比較深入嘅題目了,
家長,社會,年青人自己都要有一定情度嘅責任,
好似你咁,
我雖然唔係同意哂你所有嘅論點,
但起碼你會用吓腦,
算係好難得架!
另外想講一講,
唔係話動漫電玩有問題,
沉迷當然唔好,
但你又睇吓而家啲大學生吖,
除咗玩淫穢open day叻之外,
重有物嘢叻吖,
有無真係關心社會,關心國際動態吖,
佢地最關心係讀邊科最快揾到錢,
讀邊科最唔辛苦,
咁嘅學生你又點睇呢?
六七年代有釣魚台學運,
八九年代有民運,
今日有物嘢吖?
無嘢發生就唔識關心社會,
雖然話唔可以一竹桿打一船人,
有幾多個中學生,大學生真係關心社會吖,
有幾多個會用個腦去吓時事新聞吖?
一日打機又機又花咗幾個鐘頭吖?
睇動漫又物新出就了如指掌,
香港八百人選舉團有幾多個年青人要知吖??
點叫做唔沉迷先?
你點睇先?
睇完你介紹,
我仲頭暈~~~~
今日嘅動漫極有淫穢嘅味道,
塗毒年青人!
總於明白點解咁多少年玩3P, %P!!!!
你唔覺?
因為你已身在其中囉!
係呀，我知呀= =
點會唔覺，但係我有節制麻
D做事唔經大腦既人先會攪D咁既野
唉，D人大學揀科又係無奈既
有人志在搵水泡，有人志在搵錢
有人志在hea......超無奈
真係無眼睇><"
人各左志,大家追求唔同,你唔可以用你的尺去度他人,只要心中無愧,點樣生活都可以
你覺得D人寧願花時間玩D垃圾game
都唔願意花D精神諗下野既決定
大學O camp 禧皮笑面地玩奶油犬、BL 咬舌
屬「人各有志」？
你會唔會俾你D仔女咁「玩」
奶油犬係一件事，問題唔係佢
係玩奶油犬既人既心態，對性既態度問題
我唔覺得咁樣係「人各有志」
你可以反抗......如果你唔去反抗,係你默默去接受左,變成左眾羊其中一隻,永遠地跟隨人地步伐以生,所以我地係要跟著我地所想做,行出自己的路
如果D仔女甘都去做,就知佢地無腦,生黎晒米飯
re. fat,
請不要曲解"人各有志",
只顧自己的所謂"興趣",
完全不關心社會狀態,
這不是人各有志,
是自私無知!
為什麼政府要花咁多錢落教育,
如果個個都無貢獻社會!
看看蘋果頭條,
今日又一單少年與未成年女生發生性行為,
如果話啲露底動漫(不是指全部)無影響嘅,
你話講唔講得通吖???
yeah 13comments！
好野！加油！XD
大家實有睇新聞啦
有個鬼佬滾大左條女個肚
然後上網賣仔，仲曾減價，想快D甩手
可見鬼佬仲屎過香港佬
生左出黎，攪到咁大先知件事
真係冇鬼用......
re新鮮仔：
咪就係，根本就連興趣都談唔上
本來年齡唔應該性行為既界限
心智是否成熟，有冇考慮責任感、負擔能力先至重要
但好明顯佢地咁俾人撞破法醒極有限
好難令人相信佢地有承擔能力同責任感
佢地一味當性係玩玩下
係真係玩玩下我都玩埋一份
我邊到會執輸先得架= ="
但事實上唔係丫麻......
史提芬周有句「名言」：
「生仔只係副作用」
班友仔好明顯睇小左「副作用」
甚或唔當係咩一回事
能係身上睇到有「思考」既年輕人
為數少之又少，可以話係瀕臨絕種
「國寶」，「幾乎死曬」，「乜有D咁既人架？」
唔通都係人各有志？
思想是否成熟好難有明確界定,
所以性行為年齡限制是有需要的!
發佈留言