Xanga 真係咁好？

今日八卦左少少，走去搵人地D blog
結果俾我搵到舊年5S1既blogring......真係好多人
仲係有Keep住，Latest Entry唔係舊年一、二月...
係琴日= =

好無奈，個個都用Xanga，不過肯打下野已經好好
舊年S3 D人要請先肯打兩句野，無癮= .="
好在呀果兄既反應幾熱烈，E+都仲有打blog，好安慰
其他人就XO......原本可以充滿樂趣既網上生活攪到冇曬mood

講返Xanga，Xanga有咩好呢？......除左多人用之外我諗冇
改CSS要俾錢，預設既結構係用表格...無錯，小學電腦程度既「表格」！
仲有據我用左一陣xanga得知D文章冇分類，都唔知點搵D舊文章
仲有一點好緊要......xanga 既風氣
我都望過唔少既Blog，但Xanga俾我既感覺係最hea，最MK/港女/潮童
完全冇「Blog」既感覺......
簡單黎講，Xanga純粹係個潮流，同Blog或Personal Portal完全唔同

好懷念當年玩WOW，周街殺BL，得閒入副本屈下錢練下技術
我未玩過一隻online game係作戰上會咁考技術同經驗......
真係好好玩！......可惜好少香港人玩，佢地只會玩D「多人玩」既game
潮流興玩咩就玩咩，多人玩咩就玩咩......
打機又變左個潮流......

潮流係香港真係幾犀利......唉