點讀書？

琴日係cover playground上中化堂，練oral
見到個隔離班既人，同埋一個師奶，係校工陪同下行去校務處
因為我識佢，佢用眼神同我say hi
之後個lunch撞到隔離班另一個熟人
佢話我知，佢地班有人退學
心諗：原來係朝早見到果個，佢返黎應該辦手續......
跟住佢話條友「讀得唔開心」，「適應唔黎」......大概係咁
老實講，我升上中六都用左一段時間去適應
我果班原校升中六得我一個，所以其他人都係隔離班
D人個樣係熟識，但從未相處過，班裏既情況只係好過轉校少少
單丁一個，好易俾其他人同化，某程度上我比佢地同化左
但好在我仲得保留一點既執著

一開學，physics教得奇慢，教error教左差唔多兩個cycle
我自己坐埋一二邊，自己睇自己學，就好似form4上maths堂做a maths一樣
就算之後佢教返快左，俾佢追到上黎，我都冇聽佢講書
自己研究果課書究竟係到做乜，D式點「chalk」出黎
、諗野既方向係點、同乜野有關係、有乜意思
的確自己係咁諗，諗通左好多野，但就有D攰
前幾日，有人叫我同佢坐，吹下水
坐左幾日，發覺唔對路，聽佢講野乜都學唔到，個腦係冇郁動過
(我唔係想講個呀sir唔掂當)

一個人明一D野唔係「人地講明你」，係「自己諗明佢」
「唔明呀」，「都唔明個呀sir up乜」
個責任、問題在於邊方？學生，從來都係學生
諗唔諗得明從來都係學生既問題，而有老師指點唔係必然，係幸福
講書，只係講本書，我家陣唔識睇！
老師既功用唔係照書讀......
就好似做運動同騎馬健身機
運動有益之處係人做左work done，運動左肌肉同其他器官
但騎馬「un un」機，work done既係部機，而唔係你
我唔知佢咁樣un下un下你D肌肉，你D器官做左D乜
同樣，讀書既意義係腦既work done，思考既鍛鍊，邏輯既灌輸
老師齋講，學生齋聽
老師就做曬work done，咁學生？「唔明呀」，「都唔明個呀sir up乜」
你唔想郁個腦咪出聲lor，做乜要坐住佢咁辛苦姐

我忍受唔到咁唔尋常既學習，我決定再自己坐埋一二邊
我覺得咁樣做，自己會學得更深入，更融會貫通
而我就係想要呢D野，我接受唔到不求甚解、得過且過既態度

縱然我係公然上堂唔聽佢書，當佢唔講書本裏面既野
我好自然又會注視佢，留心咁聽佢講野( 即使有時只係冷gag )
一個故事又好，一段新聞又好，一個道理又好
我都會為佢唔理手上既野，因為呢D先係一個老師價值所在
或者我係好犯賤，我鐘意老師鬧人......

自從中四、五，我就開始有咁既諗法
而我諗，我呢個諗法一世都唔會變