水樹奈々

今日狩人出黎借隻水樹奈々既Secret Ambition同Massive Wonders俾我
兩隻分別係魔法少女リリカルなのはStrikerS既Op1、Op2既單曲碟
之前都係因為套動漫而聽水樹奈々D歌，冇認真聽過佢D歌
更冇買佢D碟，覺得佢把聲唔啱我口味
岩岩聽隻碟既WAVE，我都係唔鐘意佢把聲既尖
但又唔係「雞仔聲」，日本歌手「雞仔聲」既大有人在
總唔輪到水樹......同埋講「雞仔聲」，香港D友仔嚴重過日本好多
加上我對日本女聲有特殊癖好，水樹把聲OK

唱功，近年受卡啦OK風潮影響，流行曲經常有濫用唱功既問題
幸好，水樹D歌不太嚴重，聽耐少少都未有膩( 起碼狩人借果幾隻係 )
而風格，我覺得佢比較重節奏感同較多電子樂器既效果
我鐘意D強勁節奏、metal、rock既歌
作為流行曲，水樹奈々都幾唔錯～

可惜丫，D碟好貴，大部呢種歌手既碟都好貴......
「見本品」又難搵難等，信X中心又貴到嘔石油
上網bid好D，有D碟可以差兩成幾，但有D就同價甚至仲貴

唉，呢個聖誕岩岩先敗完家，又要再敗過= =
新年利是敗家方針都定好埋，我諗要再等先有錢敗水樹D碟返黎
現階段，都係靠D lossless 定住癮先:(

註：可能會有人以小人之心，度君子之腹，係到講定先！
我唔係因為水樹個樣而聽佢D歌，因為佢一D都唔靚女= =