我的第一次

伊麵貓：呢個標題冇曬新意啦喵

今日放學返黎，見到張電腦椅到有D野
對我黎講，第一次咁樣買果D野係會幾尷尬
冇經驗，但係又想試，諗過度過之後始終都係做左……

聖誕前，我上網見到有個幾個網站訂CD，據說D貨幾齊
我search左，搵到我搵左好耐既碟
不過有D日文網，有D就好貴......
問個識日文既人？邊到搵？而且咁麻煩
好在最後都搵到個中文網站，但問題又黎
我屋企人冇信用卡，借人地張卡？
我有個出去住既呀哥有卡，但問佢借我驚佢話俾呀媽知
我買本雜誌睇呀媽都要嘈三嘈四，買隻~$100既CD？
經驗話我知係會令人唔開心既
咁就唯有去銀行入數
聖誕前果個禮拜六我就入左數，scan兼email左張收據過去
唔洗一個禮拜就confirm左order，過多幾日仲送埋出去
送件後四日，即係今日，返到黎就見到包野，心諗......kekeke，hahaha

伊麵貓：入面咩黎架喵？好心急呀喵！

伊麵貓：咁即係咩黎？
伊麵丹：一早咪話左係CD lor

伊麵貓：你thick我？唔好話我知入面仲有層

伊麵貓：……算，唔同你玩，你識變魔術既
伊麵丹：其實只得三層，你再堅持落去就見到入面有張付運收據同埋隻碟
伊麵丹：俾隻碟你睇，張單我keep返先！


2005年再印製，大碟版岡本真夜－Tomorrow
如果搵得返當年出既細碟版就好～
時代不段改變，當年好流行既細碟E+已經買少見少
包裝長而扁，用紙包裝，唔似E+用上膠黎做盒