無視片好好睇呀

電視退化論
詹瑞文說，時代進步，電視一路路倒退。以前是帶領潮流，現在拖低民智。「以前看電視令人變得聰明，現在會越看越蠢。」
《萬千師奶賀台慶》由他和林奕華主力創作，林奕華70年代加入無做編劇，那時電視台頭，撞口撞面都是「海歸」知識分子，對製作好節目很有抱負，「我聽林奕華講，無開台之初，沿用澳洲制度，口味偏向中產、西化，製作人眼界較闊，會購入知識性節目。我細個時睇《芝麻街》，真係學到好多知識！」
做電視文化舞台劇，詹瑞文密密惡補近年電視出品，驚訝節目越做越反智，過度娛樂及商業化，「譬如體育節目，以前細個睇，會你足球史，現在就全娛樂化，連體育節目都要玩遊戲；一開電視，就是看一個人愚弄另一個人。人家美國American's Idol是勵志節目，香港版《殘酷一叮》主 和嘉賓集集鬥寸，帶動挖苦文化。」咪係，個個遊戲節目都Sell勁獎品，又唔係畀我，望人富貴我續貧，都唔知有乜咁好睇。「電視劇直頭變晒質，來來去去一樣劇情，時裝、古裝、消防員裝和警裝都冇分別。」
「那班人到底在想甚麼？」詹瑞文問，比起杜大導說騎呢人有個騎呢台，都算厚道。

文章來源：蘋果日報－萬七師奶千面如一

好少成篇文引用曬，因為今次成篇都講得好

早前我個係出面住既呀哥上我屋企食飯，咁岩做<<一擲千金>>
佢好興奮好開心，一邊睇時，一邊係到估
仲緊張過揀number果個
揀左個大銀碼既就「哎吔」揀左個細銀碼就「哈哈」
到完場，D錢又唔係你既，我都唔明有乜咁好睇有乜好緊張刺激

以前男女老幼都岩睇既電視劇 E+得一種人岩睇，師奶
亦只有一種功能，培育師奶新力軍
可愛既小朋友，陪住屋企裏面既師奶睇呢D危險既肥皂劇
係呢種咁既電視劇氾濫成災既時期
最無辜既就係D 心智未成熟既大人細路哥
電視劇就算唔用傳媒既影響力去灌輸正確觀念
都唔好教壞D細既！E+ D電視劇劇情
感情空洞無感染力，脈絡無邏輯而且公式化
人物思考過份表面，甚至係膚淺！
涉及既野最多都係一樣：潑婦罵街同埋潑婦罵街
但最大問題係呢種電視劇完全霸佔左黃金時段
觀眾個腦都係被無視既肥皂劇塞著

唔止無視劇，日本D 動漫都有類似問題
無論主題係咩，都不外乎萌、蘿、後宮、意淫、唔清唔楚既愛情
或者係Kuso，總之就係幾乎零成本既創作
同一個蘿莉model，套返D膚色裝束人物性格就係一個商品！
工口(H-game)都係
想當年D經典作，連人性點歪曲都描繪得幾唔錯
E+？一支「神奇噴霧」就skip曬佢！

一方面電視劇內容既質素係到倒退
另一方面電視劇畫面既質素就係到提高
記得前年去過一個係會展攪既電腦科技展
主題係高清，大力宣傳高清電視，高清碟( HD-DVD、Blu-ray Disc )
果時我諗，你地班商人又攪乜差野
E+ 好清楚啦，高清電視！首先日本，之後到香港
真係一個好有計劃既時代既推動！