PE堂後既下午

琴日PE堂又去左打保齡
之後又去左HMV，睇下有咩碟擺左出黎試
先行入去"Classical and Jazz"
見到有隻雜錦有藤田惠美唱既Rose，就攞起headphone試下
(之前上網見到有人提起藤田惠美，於是記住佢個名)
感覺係幾特別，我一路都冇聽日本妹唱既英文歌
一聽，就覺得佢口中既英文好多時都係用口腔前方發音
就好似日本一樣
但英文唔係，除左口腔前方，後方，喉嚨，甚至更深的地方都要發音
所以初頭聽落去有種唔自然既感覺，即使佢D英文咬字係好清晰

聽到中段，開始感受到日本女聲配合英文走出黎既味道
日本女聲中頻、中高頻都好甜，好實在
但係唔知係咪日文高低起伏唔多
藤田惠美唱既英文字裏行間都係冇乜高低起伏
英文係好強調呢樣野既語言
所以聽多幾聽，雖然把聲真係令人津津樂道
但都係毒唔到我買佢既碟......可惜可惜

之後行返出去，見到Bee Gees同John Lennon既碟
一提起John Lennon，梗係要聽佢首Imagine！
Bee Gees個sampler就衰D，有error= =
好冇feel，諗住佢D首Night Fever架麻
跟住播Stay'in Alive，又播唔到
跟住禁之後果首，點知播左Stay'in Alive最尾果部分出黎= =
真係俾佢激死！

*因為琴日太攰，所以今日補打