禽生！

細個有時會去7-11打書釘渡過時光
老夫子係首選
記得有篇係講塞車
老夫子落車行去龍頭
發現條友跟住隻龜行
老夫子問佢做咩唔郁
佢話驚俾人告
之後連埋隻龜俾老夫子一腳車左上半空
以為係漫畫咁簡單

今日有則新聞，有隻狗突然行出去
架車即刻煞制，攪到8架炒埋一碟
其中一架邨巴既大部分乘客因為煞車太急
撞傷口同鼻......

突然衝出黎，點都要急煞車
一急煞車有人撞傷就必然
就算後面一架車都冇都會有人受傷
咁你都仲避？俾我唔忍啦！「車」之而後快啦！
為左隻狗，傷到人，甚至破費維修架車
值唔值？

普通的街道小巷都可以容忍
高速公道，一塞車後果好大
我寧願犧牲下隻狗......

哈哈，睇黎會有班人道主義者睇到篇野會插死我！