Have A Nice Day

話說今日係ACG盛事，ComicWorld 25既大日子
一早起身食個早餐，11點就出發
11點半等齊肥發同果兄
11點搭九左右去到九展排隊等買飛
見到好多cosplay...
其中一個，排我地後面，cos涼宮春日，個樣好熟
但就諗唔起係邊個......
12點三左右，條隊開始郁，然後順利咁買飛
行呀行，行到一個露天既地方，見到一大堆人係到排隊
人數大約係排買飛既幾倍

等到一點幾，終於入到場
好興奮，即刻快快脆兜個場一圈
第一個場唔大，好多地方都用黎做show同cosplay
但都搵到好野
一支廢左既堅野1911手槍.....望下個彈夾同槍管...
真野黎，超興奮！
之後行下賣figure既攤位
有夏娜，有saber，有涼宮......呀！
個saber仲要係好稀有，可以換衫，可以郁
鎧甲同把劍都係金屬，而且做得好靚

之後去第二個場，呢個場就大，而且好多人
一眼望落去......傻左，banner上既菲特係到召喚我
但係要冷靜！好仔細咁行過每一個攤位......
好多BL！......有個sales：「係咪鐘意BL呀！」
真係氣氛十足，會展攪既動漫及電玩展絕對及唔上！

---

行過一檔野，有得賣初音ミク果條葱......
猶豫左陣，兜左一陣，決定買，返到去...賣曬
好傷心，行到又有檔野，賣Calendar
好吸引，跟住就買左



之後見果兄買左初音紙袋，攪到我都想買紙袋
跟住講到有個好近既banner上的菲特係到召喚我
我就行左埋去，點知D袋咁快就賣曬......
跟住再行啦
見到個school days紙袋......
「Have a Nice Day！」唔明句野講乜係正常
明就證明我地係同類
個袋唔萌唔蘿，但就有點腦殘.....

---

雖然有所斬獲，但都係遲黎，想要既野買唔到
之後去信和行下......俾我撞到D手持菲特紙袋既狂徒
呀！我要呀！我要呀！......
魔炮蘿莉版雖然做左好耐下
但都好多人萌佢，經典得很
未睇過既唔好話自己宅
睇過讚好既唔好話自己唔宅......
百合有少少，鬼禽又有少少，後宮又有少少
有人妻有御姐有蘿莉有正太
正宗腐爛之路，可有效測試定力

有套Anime叫「零(ぜろ)の使い魔」，Zero No Tsukaima
有人整走左個「Z」，變做「エロの使い魔」
識少許日本語既朋友應該知點解......
如果話你知呢個係攤位名，又會係咩攤位類型呢？
hahahaha！Have A Nice Day！

總括今日，大開眼界
資金帶唔夠，黎得太遲
太多猶豫，冇事先查過D參展攤位賣咩