維修手機

下午出去食飯，有個同學話遲下買過部手機
又話唔知做乜有時會自己熄機

我攞我部機出黎望望，熄左，咁我就開返佢

之後返到屋企，MSN果兄有冇同我做件事
佢話打左俾我好多次
我覺得好奇怪，攞部手機出黎，原來熄左
冇電？唔係，我開返發現係有兩格電，full-charge三格
我拆舊電出黎，發現個contact位粒module鬆下鬆下咁
我諗可以用D野去zip實佢
不過做個聰明消費者，應該去睇下過左保養未
......07年2月24日買......過左保養不足一個月
咁唯有開工自己黎

食完飯之後就開工，先拆開部機
點知個mon上高個位好難拆，唔想格硬黎驚整爛
唯有係佢半開半埋既情況下動工
攞左粒module 出黎，發現佢同手機塊PCB既接觸好求其
冇上過焊，淨係靠手機殼去夾住佢......
粒module伸出黎既接觸片細細塊，我夾彎佢少少
咁塊野就可以伸出D，易接觸D
之後用AA膠係粒野上高黐塊由汽水罐蓋cut出黎既鋁片
再擺返入去，開返部機，正常運作，任務完成