之前搵到個Call of Duty全集既BT種
但俾我踢爆佢少左Call of Duty第一集既加強版
United Offensive
岩岩上網見到另一個種，係第一集連加強版
真係幾開心，搵得返呢隻game
果時雖然有BT，但仲未算十分流行
我都係幫襯學校附近一間老翻為主
好在間野本身正版又有老翻又有
做既老翻質素幾好，有壞包換兼平過隔離果間
如果唔係，口碑一差，會拖連佢D正版game銷情
果時同E+都有一個問題就係部機冇位
所以我會好似好多人咁燒碟做backup
而用咩碟，我都係請教果位好好人既老細
認識左所謂「深藍底」「水藍底」「白金底」既分別
仲有關於燒碟機既經驗
例如機既壽命、讀碟速度同質素既關係等等
隻Call of Duty，我E+都仲有keep住
但係加強版United Offensive就唔知去左邊
諗起細個既打機時光，絕不寂寞
起碼呀哥會叫我俾部機佢用
或者呀爸舞唔掂佢部機叫我幫手.....
唉，E+呀哥有佢自己部機，呀爸又......
有時我打機都會覺得有D悶，同埋少左點味道
或者唔係game本身既問題
或者簡簡單單既一隻game已經容納唔到我
定係我唔珍惜我得到全面掌管部電腦既自由...
係時候放一放低？
8 則留言:
講翻版講BT,
仲可以講得咁理所當然,
唉~~~~
以後揾鬼做GAME囉! =(
如果我買正版game
我諗我E+起碼敗左幾萬蚊
BT、翻版係唔岩
但係商人定個咁刁難既價
反而話我地唔俾錢買正版
真係惡人先告狀
我冇講到好理所當然
時勢係咁，冇人改變呢個情況
反而越賣越貴
睇下條蓋茨
vista ultimate貴過xp pro 三倍
根本就等於一部新機既價錢
仲有vista做得好咩？
其他software仲有得傾
叫我買windows？叫蓋茨去死先！
你咁講係本末倒置,
買唔起啲game咪唔好玩囉,
又唔係必需品,
不玩唔洗死架!
係會死架= =
果時細個一來唔鐘意讀書
冇乜朋友，冇乜特別喜好
唯一精神享受就係得打機
我唔知點去想像如果果段日子冇打機
同埋PC本身都係翻版......
去搶賊嘅錢都一樣是賊!
係！係有問題
但我唔會唔講
始終呢段光陰係細個時唯一既快樂
係好值得回味...
E+既我點理性地睇問題係另一件事
唔好咁掃興吧！巴打:(
唔係掃興,
只是對新一代嘅價值觀感到可悲啫!
發佈留言