麻鬼煩

岩岩係新鮮哥哥到睇到篇文章：點解要搞到咁複雜
有所感受

我認識既商人都係咁上下
用盡手段，費盡心思去賺人錢
就算花心機不停咁去瞞騙消費者同監察媒體
將問題淡化兼推卸責任以獨善其身
普羅百姓杯水車薪，你D商人玩起花招上黎
佢地只有啞忍，默默地被剝削、被強姦！

「業績風光，陰德破產」
但係冇數據顯示過陰德同市場掛勾
咁商人又點會理呢D野
或者有D商人「好好人」咁退休時洗左好多錢幫D貧困既人
但佢地年少力壯時有冇諗佢度既好計會趕好多人入絕路

換個角度黎睇，呢D商人只係為市場制度而活既機械
活在數字陷阱中尋找佢地眼中既成功
見到眼前一瞬間成就行緊埋黎就會被動搖
定力唔夠，信念唔夠堅定就會諗到走火入魔
越黎越鑽牛角尖，變得不擇手段
成功捉緊機會既人就爽死囉，即刻飛上枝頭變「火雞」
成為階層以下既人發奮圖強既目標，社會既焦點
完全地自我滿足、醉心於與競爭對手角力既擂台
懶理一將功成萬骨枯
令成功人士成功既清晰靈敏既腦筋開始慢慢腐化
係一個死氣沉沉既地牢到同D錢一齊發酶發臭，令自己滿身銅臭

問題就係成功飛上枝頭既人十之八九都已經走火入魔
係死既制度下固步自封，冇曬衝當初踏入社會呢個大染缸時既大志同遠見
正所謂上樑不正下樑歪
上一輩高歌經濟、市場、商貿
下一代醉心商業、會計、管理
人類文明就好似著左魔咁令呢個惡性循環生生不息
成個社會都充滿沉迷，冇左一點撥亂反正既智慧
大自然係充滿智慧，大自然俾人類既警號已經好多好有力
但你地又有冇深思大自然既警號？