難為一班出卷既人

卷五閱讀材料

禮拜六一起身D屋企人聽港台播既會考中文list.
的確幾過癮
新課程做完list.後冇得休息，直接去埋卷五
的確好過癮......
一班友仔，100%自我代入
據我所知，會考從來冇出現「香港」
只有「香城」......
份卷D所謂「潮文」同香港版本有出入
只可以話係「香港」同「香城」既出入
而且解釋有理，冇矛盾，你吹佢唔漲架波
人地出份卷，我諗應該都check過三十幾萬次
所謂「問題」所在我睇就係考生未能抽離「香港人」既角色
正路黎講，第二年新課程，份卷實會難過上年白老鼠
明知佢難，點解唔諗下點洞悉份卷呢
擺到明所謂「唔識扮識」既潮文就係重點
舊年白老鼠份卷易
今年你估EA會俾你地好過咩？
呢D「偽潮文」好明顯係誘敵計，擺到明係局，明擾亂你、欽你
等D天直小朋友中曬計分曬心
考試臨場狀態最講平常心，一動氣，心神一亂
你就已經輸左個勢，輸左個陣
特別係笑，一笑就放鬆，冇左戒心
難怪俾人欽完仲要覺得自己好醒，覺得份卷好笑...
但係人地係後面就笑到肚痛......
幾句潮文就治到你地班潮童！
真係以其人之「詞」還治其人之身
咁既高招難怪小朋友見招踩招....

要贏呢份卷真係唔易，睇下班人輸左場仗都唔知咩事
但就難為一班出卷既人，好地地無端端變做箭靶

諗諗下，HKEAA都算用心良苦
CE/AL修尾幾年都要自創潮文，懶理流芳百世定遺臭萬年
點都要後人記得CE既存在
但諗真D，似乎都冇一個方法比自創潮文更深入民心