讀左咁多年中文
講作者同家人既愛，家庭何其溫暖
今年開始讀中化，講家庭或家人既文章更多
但會唔會太理想化？
齋係講我屋企......
一返到屋企，就係叫我執呢到執果到
仲要將D人搬好曬出黎，堆係隔離
問題係佢冇留意今日我撐到返屋企已經係萬幸
上午考三粒鐘，下午再考三粒鐘
已經虛脫兼有點神經虛弱
基本上個腦已經空左
隻腳仲軟軟地，撐到返屋企已經好犀利
一返到黎就整D高密度刺激黎
瞓左一陣覺，佢地又開電視，嘈到醒左
之後呀哥返黎，一大煩人，一大噪音製造者
跟住開埋盞燈，唉......點瞓
即刻紥醒，諗住好好地上下網，聽下歌
坐係我後面既呀哥又係咁大大大聲咁講野
唉，救命，我個headphone隔音力已經好好
仲想我點？！
我好懷疑當時D文人係點享受佢地美滿家庭生活
我完完全全連當中0.0000000000000001%都感受唔到
只有我部電腦肯同我好好生活，只有個headphone肯俾個寧靜既環境我
只有我D figure肯俾我微笑、溫暖......
只有我D張亂七八糟既枱令我覺得有存在感
家庭好溫暖？多數既時間我都覺得屋企既空間係分裂既
冇間開房，看似更融而為一，但反而更令人想有個自己既空間
或者問題好簡單，一對工業用耳塞、一個眼罩，就可以解決問題
3 則留言:
咁講啦,
香港地人多地貴,
大部份人都住得好細嘅空間,
人多屋細就比較少私人空間,
好容易就有磨擦,
不過都係香港嘅特式!
搬咗出黎一個人住,
空間係多好多,
但有時返到屋企一個人都無時,
都有點孤獨架,
一個人對住四幅墻,
初初覺得幾好吖,
靜靜哋咁,
但久而久之就會好悶架,
一個人係屋企成日都唔會講嘢,
好易會口臭,
有時仲會一個人自己講嘢,
好易會精神錯亂,
所以話針無兩頭利!
兩個極端都會產生精神錯亂
屋企D人 講D野太無聊
根本唔想插口
而且又八卦
我本來想買支咪打機果時一齊用TeamSpeak
但我知我一用，D屋企人一定會N咀N+1舌
所以就打消念頭
同埋你應該知我幾多古怪念頭架啦
好鐘意整呢樣整果樣
屋企冇位俾我整呢樣整果樣
更加冇位俾我擺呢樣擺果樣
有諗頭，有想法
但冇路喧洩......想慘過自己同自己講野
係精神病學上
肯講野既病人比唔講野既病人易處理
就因為起碼可以從談吐估到病人既思路
再咁落去，實有精神病
問題係講野定唔講野咁解
嘗試多點從他人角度看東西,
不要以為人家講啲嘢係無聊,
無唔無聊因人而異,
我有時都覺得你講啲嘢無聊架,
但又唔代表你講嘅嘢唔啱喎,
大家重點不同而已,
嘗試多點和家人溝通,
對你將來社會同不同人合作有很多的幫助!
發佈留言