煩左我好耐既手機

哼！部神神化化既手機
由好耐之前就壞壞地
個電池接觸片超級鬆
用左好多方法去「zip」實佢
但搖下搖下咁又會甩返出黎
試過用AA膠黐住D金屬片，但接觸片細，AA膠起唔到作用
之後用一pad一pad既萬能膠
但係因為個接觸片會郁郁下
塊金屬片好快又會移位
我打算用模型膠水黐D膠片上去
但邊到搵有返咁上下厚既膠片？仲要細細塊
最後，用熱熔膠鎗，好巧妙咁「芝」到好似牙膏咁既形狀
當然細好多好多好多
結果暫時令到部手機郁得返......真係還得神落

故事教訓我地，買手機要小心，最緊要襟用！