今日熱到非常，下午落街飲杯野順手做下數
做做下，對面有個大過我少少既人同間舖既員工吹水
我見佢手指甚至成身有點不其然地郁下郁下
談吐有點不清，我估佢應該係「handicapped」

佢令我諗起小學果時，同班有個人傻下傻下咁
佢呀哥都係handicapped，由細個起我就冇乜朋友
小學時佢地係我唯一果幾個朋友
佢地有咩好？其貌不揚兼幾近一無是處
但相比係其他人，口臭，無品，交友心態不良
生活態度、學習態度更為不良
當時我又冇乜野玩，同其他人樣，純粹落街行行企企
錢又唔多，冇買野飲冇買野食，更加咪話打機

後來先識左D有打機既人，不時上佢地屋企玩
但相處落發現佢地每個都有D問題
一係太過沉迷，一係就玩D無聊既game
慢慢亦疏遠左，同返果幾個傻傻下既朋友一齊

可能因為我都係傻傻下，所以同D傻傻下既人好有共鳴
又或者可能因為好多人都違反我心目中既「正常」既定義
所以我成日會自然疏遠好多人

註：原來blogger 發文係可以冇標題架！
唔洗下下諗到頭痛:)