......

今日，出左一陣街
返到黎，發現呀媽又再次同我執左我周圍既野
我即刻無奈兼發火

我非常想有一個100%屬於自己既空間
我唔知呀媽明唔明，但佢100%唔尊重我
我冇曬自己既空間
我既意思冇人尊重
呢間屋......好似連容納我既角落都冇

最近我成日都落大排檔睇課本/做數
係因為我俾左錢，侍應擺返杯野係我枱面
咁果個枱面就係我
我唔理周圍既人做乜，周圍既人亦唔會理我做乜
但屋企，會有人係咁昅住我做乜
就算我周圍既空間都可以俾人粒聲唔出咁攪到亂七八糟！
跟住同我講入面好污糟，我幫你抹乾淨！

我洗唔洗你幫我沖涼？

我諗我讀大學......唔住宿舍都唔係屋企住
實在我係屋企搵唔到一個受我控制既空間
我有種....被擺佈，被控制，被唔重視既感覺
好老實講，每一次屋企出曬門口，我都會感覺無比既舒暢

呀......我仲忍到幾時！
我要一個真真正正屬於我既空間！