失望！
過度泛濫既暢銷書、流行文學、輕小說、漫畫
幾乎佔有左成個會場
基本上個個攤位都會有同一樣既暢銷書
悶到不得之了！
想搵既書算係稀有，但心諗都可以嚮書展搵到一、兩本咁
主要想搵維根斯坦既《邏輯哲學論》
同埋尼采既《反基督》
其次想睇下尼采既《悲劇的誕生》、薩特既《存在與虛無》
羅素既《為什麼我不是基督徒》
叔本華既《作為意志與表象的世界》
點知....仲衰過書局，想搵既野一本都冇，書局見過上述既四本
最想搵果本《邏輯哲學論》嚮我去過既書局入面未見過
真係講起都火滾
哲學經典類如康德三大批判、柏拉圖《理想國》
外國文學經典如歌德既《浮士德》
等等都係出名、好多人都聽過既巨著
書展入面一本都冇！
我只係見到卡繆既《瘟疫》
尼采既傳記，近代作家寫柏拉圖等等
但值得一提既係書展入面有勞思光既書
位置都幾起眼，數目唔少添，好似係嚮中大既攤位
都叫幾安慰，書展總算有D 有深度既書zzzzzzzz
唉，下年都係唔好去，去黎都曬氣！
2 則留言:
梗係無啦,
哩啲書都無人睇嘅,
無人睇即係無人買啦,
點會係書展揾到喎,
人家開個檔要成十萬架,
你咪講笑啦!
我相信如果有檔專賣你以上嘅書,
佢一定扑呀!
去大學圖書館揾仲大機會啦,
話時話,
你嗰幾本書咁Q悶,
連我哩個咁有修養嘅人都唔想睇呀,
何況係其他人,
咪搞啦,
悶爆呀!
哈哈哈！
你真係丫！
自己話自己有修養\./
發佈留言