獎項太多，成績太少？

注意：閣下可能係呢篇文章所鬧到既對象，不喜勿插

【明報專訊】每年四台音樂頒獎禮外，還有大大小小巧立名目的頒獎禮，稍有名氣的歌手，一年拿得的獎座可能達一百幾十個。
現今樂壇成績太少，獎項太多。單是一個新城勁爆頒獎禮，已頒發了一百一十五個獎，嚇死人。
……反而一些曾被頒獎禮捧上天，得過不少大獎的歌手，過了一兩年，聲沉影寂。或者拿了新人最高榮譽的，大多數市民連名字也叫不出，樣貌也認不清楚，好幾位第二年已交不出成績。這就是頒獎禮所謂推動音樂工業的成效嗎？
……

文章來源：明報OL網

老實講，我早就對香港既樂壇心淡！
無底子既歌手，粗製濫造既詞同曲！
仲有班既聽眾！

E+D人當濫用唱功係有實力，攞本應用黎聽既歌用黎唱K
人地辛辛苦苦練唱功去唱好首歌
你唔好地地咁享受、品味，反而去唱埋一份
人地辛辛苦苦咁作曲作詞係俾歌手去唱
唔係俾你地D聽歌既去唱！
試問俾班無底子既人唱既歌點可以有任何層次或深度
試問要娛樂佢地既歌點可以用旋律、節奏簡簡單單既歌
加上E+冇人買CD，賺到錢既方法就係靠K房點歌！
咁你叫人地點可以唔交D咁既貨出黎？！
咁你叫個樂壇點可以衝出K房，為樂壇帶來一番新景象呢！
D作曲作詞既唔掂？佢地就係因為掂先上到呢個位
作曲作詞既係可以作到好既歌
但無奈時勢迫人，唔咁樣作保唔住飯碗

咁一切都係錢作怪？又唔係！
從K房文化到冇人買CD都係一班無質素既聽眾造成
就連D「獵人」都係K房搵新血，樂壇新血都係呢D咁既人
咁你話個樂壇變成咁，問題係邊？責任係邊？！
商人？作曲既作詞既？一班由K房文化孕育出黎既新秀？

咁唔通又係K歌既罪？
K房文化起源於日本，講普及，日本唔會差過香港
但睇下日本個樂壇，有人買碟，有人唱K
兩者係平衡，但又唔覺日本樂壇會好似香港咁一團糟！
睇返香港D友仔，情況好唔同
之前有個電視採訪，CD舖話如果佢地唔賣D其他野例如DVD
係一定做唔到落去
香港人根本唔多肯買CD！

香港D年輕人，買個袋幾百蚊，甚至成千蚊
買條褲，買件衫又百幾，唱下K，順手叫野食野飲
就係將野食野飲既錢慳埋都唔止買一隻CD啦
好，你話你又唔係成日買袋、食下午茶、唱K
乜你淨係買過一個袋，食過一次下午茶，唱過一次K咩？
我俾十舊錢你，你十舊都用黎做呢D野
咁你究竟係無錢定係唔想買CD！？
冇錢？冇心咋掛！香港人對音樂既態度根本有問題！
買個袋都唔買CD，買野食都唔買CD，買衫衫褲褲都唔買CD
音樂呀音樂，你比起D衫衫褲褲、下午茶、袋袋既地位仲要低！
音樂根本得唔到正視，咁你話香港樂壇，仲可以點生存落去！？

一個有關既論壇文章